Больш за 100 чалавек за тыдзень заразіліся каранавірусам у Глыбоцкім раёне

428 выпадкаў COVID-19 зарэгістравана ў Глыбоцкім раёне, за тыдзень там заразіліся каранавірусам 117 чалавек, паведамляюць Народныя навіны Віцебска.

15 чэрвеня там было зафіксавана 311 выпадкаў каранавіруснай інфекцыі, а 22 чэрвеня, па інфармацыі «Весніка Глыбоччыны» такіх выпадку ўжо 428. Такім чынам, агульная колькасць заражэнняў за тыдзень вырасла больш чым на траціну.

Выздаравелі пасля COVID-19 у Глыбоцкім раёне 265 чалавек, што дае нам, пры ўмове адсутнасці смяротных вынікаў, 163 актыўных выпадку захворвання. 29 чалавек з каранавіруснай інфекцыяй лечацца цяпер ад пнеўманіі ў бальніцах.

comments powered by HyperComments

Автор записи: Наталья Седова