Каралеўскія марскія пяхотнікі Вялікабрытаніі адкрылі рэактыўныя ранцы брытанскай кампаніі Gravity Industries.

Відэа апублікавалі на старонках кампаніі ў соцсетях, піша «Новое время».

Так, пілот на рэактыўным ранцы стартаваў з борта катара і высадзіўся на рухомы карабель берагавой аховы.

У Gravity Industries тлумачаць, што цяпер марскія пяхотнікі могуць трапіць на карабель, напрыклад, з дапамогай гелікаптэра. А вось касцюм дазваляе ім зрабіць гэта хутчэй, прызямліцца ў кожнай частцы судна, а таксама затым самастойна яго пакінуць.

Кампанію Gravity Industries у 2017 годзе стварыў брытанец Рычард Браўнінг. Раней ён працаваў у нафтавай індустрыі і быў у рэзерве Каралеўскай марской пяхоты. Браўнінг сам стварыў прататып рэактыўнага гарнітуру Gravity Industries, працуючы над ім паўгода.

У 2020 годзе гэтая ж кампанія супольна з Брытанскай службай выратавання паспяхова пратэставала першыя рэактыўныя ранцы, прызначаныя для працы ў цяжкадаступнай мясцовасці.

Гарнітур Gravity складаецца з чатырох рэактыўных рухавікоў, усталяваных на руцэ і на спіне, для стварэння цягі больш за тысячу конскіх сіл. У касцюме можна рэгуляваць сваю хуткасць і траекторыю, змяняючы становішча рук. Каштуе ён больш за 400 тысяч даляраў, таму пакуль кампанія зарабляе ў асноўным на арэндзе сваіх гарнітураў.