Гэта звязана з высокім попытам.
На афіцыйным сайце Пасольства Нямеччыны ў Мінску з’явілася абноўленая інфармацыя аб умовах падачы дакументаў на візы.
Паводле паведамлення, тэрмін чакання атрымання запісу цяпер нявызначаны ў сувязі з высокім попытам. Раней гэты тэрмін складаў да 4 тыдняў.
Таксама павялічваецца тэрмін дзеяння запрашэння-абавязацельства (Verpflichtungserklärung) з 6 месяцаў да 1 года з даты афармлення.
Нагадаем, што запіс на падачу дакументаў у Пасольства Нямеччыны ў Мінску праводзіцца праз ліст чакання, а затым пасольства само прызначае свабоднае акенца ў храналагічным парадку з улікам наяўных месцаў.
