• Пт. Сен 24th, 2021

Палітвязня Андрэя Новікава, які быў дэпартаваны і вярнуўся ў Беларусь, адправілі на два з паловай гады ў калонію

Автор:vglybokaye

Авг 5, 2021

50-гадовага палітзняволенага грамадзяніна Расіі Андрэя Новікава, валанцёра ініцыятыўнай групы Ціханоўскай, абвінавачвалі ў «арганізацыі групавых дзеянняў, якія груба парушаюць грамадскі парадак», а таксама «незаконным перасячэнні дзяржаўнай мяжы».

Андрэй Новікаў браў удзел у складзе ініцыятыўнай групы Святланы Ціханоўскай у зборы подпісаў за вылучэнне гэтага кандыдата ў Глыбокім. Нават здаў глыбоцкім міліцыянтам 2 правакатараў, якія перашкаджалі збору подпісаў.

Андрэй пагадзіўся з тым, што ўдзельнічаў у мерапрыемствах, здымаў і размяшчаў на сваім канале ролікі, але не прызнаў арганізацыю масавых беспарадкаў і змову з Ціханоўскім і Статкевічам.

Першы раз Новікава судзілі год таму. Яго затрымалі 6 чэрвеня 2020 года ў вёсцы Прусы Пастаўскага раёна, у родных мясцінах, за ўдзел у пікеце па зборы подпісаў, які прыраўнялі да несанкцыянаванага масавага мерапрыемства.

12 чэрвеня яму выставілі абвінавачванне па ч.1 арт. 342 КК. 26 лістапада Новікава вывезлі на мяжу з Расіяй, паставілі штамп аб забароне ўезду на тэрыторыю Беларусі на 10 год.

Аднак у Беларусі ў яго засталіся жонка і двое дзяцей. Андрэй быў зноў затрыманы 13 красавіка 2021 года ў Паставах, куды таемна прыехаў наведаць жонку і дзяцей.

comments powered by HyperComments
Scroll Up