З 5 лістапада (першая субота лістапада) паляўнічым дазволена здабываць зайца-беляка, зайца-русака, бялку, куніцу лясную, куніцу каменную, норку амерыканскую, андатру і тхара ляснога.

Паляванне на зайца-русака і зайца-беляка дазваляецца ў светлы час сутак як стрэльбавым, так і безружжовым спосабамі. Стрэльбавае паляванне на зайцаў дазволена з засады, з падыходу, загонам. Дапушчаецца ўжыванне гладкаствольнай паляўнічай зброі з выкарыстаннем патронаў, падрыхтаваных дробам, а таксама паляўнічых сабак усіх парод, пры безружжовым паляванні — борзых паляўнічых сабак і лоўчых птушак.
Стрэльбавае паляванне на іншыя вышэйпералічаныя віды пушных жывёл дазволена ў светлы час сутак з падыходу, у тым ліку з паляўнічымі сабакамі ўсіх парод, акрамя ганчакоў і хартоў. Дазволенымі прыладамі пры стрэльбавым паляванні з’яўляюцца гладкаствольныя паляўнічыя стрэльбы з выкарыстаннем патронаў, падрыхтаваных дробам, наразная паляўнічая зброя калібра 5,6 мм. Пры безружжовым паляванні дазволена ўжываць капканы і пасткі (акрамя петляў). Паляванне можа праводзіцца ў суботу, нядзелю ў дзяржаўныя святы, святочныя дні, абвешчаныя Прэзідэнтам Рэспублікі Беларусь непрацоўнымі. Пры правядзенні паляўнічых тураў, у тым ліку з замежнымі грамадзянамі, паляванне дазваляецца ў дні тыдня ў адпаведнасці з дамовамі аказання турыстычных паслуг на правядзенне паляўнічых тураў.
Нагадваем! Пры паляванні на пушніну з гладкаствольнай зброяй паляўнічым забараняецца мець пры сабе патроны, падрыхтаваныя карцечай і кулямі.

Ст. дзяржінспектар Глыбоцкай міжраённай інспекцыі Д.І.Барыла