• Вт. Апр 13th, 2021

Трымайся, Ада Эльеўна!

Автор:vglybokaye

Апр 8, 2021

10 красавіка шаноўнай спадарыні Адзе Эльеўне Райчонак споўніцца 84 гады.

Чатырохгадовай дзяўчынкай яна прайшла праз Віцебскае гета. Уратаваная зведала ліхалецце вайны, голад і холад. Выжыла і прысвяціла сваё жыццё прафесіі настаўніка, актыўнай грамадскай дзейнасці.

Тое, што стварыла гэта мужная, моцная духам жанчына з добрым, шчырым, чулым сэрцам па аднаўленні і захаванні нацыянальнай і культурнай спадчыны (этнаграфічны музей, які стаў культурна-асветніцкім цэнтрам імя Язэпа Драздовіча, мастацкая галерэя), ушанаванні памяці воінаў, якія вызвалялі нашу мясцовасць ад нямецка-фашысцкіх захопнікаў (музей баявой славы ў Германавіцкай СШ), мірных жыхароў, ахвяраў нацызму, спаленых вёсак.

Зробленае ёй цяжка дакладна ацаніць, яе праца выклікае вялікую павагу. У Ады Эльеўны шмат сяброў па ўсёй Беларусі. Яе шчырае імкненне — падтрымаць кожнага і, чым можна,заўсёды дапамагчы.

Піша Людміла Ардынская, грамадская актывістка з Радзюкоў.

Людміла Ардынская, грамадская актывістkа з Радзюкоў. Паэтка, аўтар шматлікіх краязнаўчых матэрыялаў у газеце “Вольнае Глыбокае”.

Павіншуйма 10 красавіка з днём нараджэння гэтую цудоўную жанчыну, пажадайма ёй доўгіх гадоў жыцця, любові родных, увагі і павагі яе шматлікіх сяброў.

Людміла Ардынская

Трымайся, Ада!

 Як перажыць пакутніцы жанчыне

Такі сыход з жыцця — загубу сына?

Спачатку кат covid адмучыў маці,

Ды вырвалася з лап, забраў дзіцяці.

 

Шаноўнейшая Ада, мы з табою!

Падзелім, крыху зменшым твайго болю.

І верым, зможаш ты на ногі ўзняцца,

Каб зноў вучыць людзьмі нас называцца.

 

Ты зведала з дзяцінства кошт не рэчаў,

А думак, мараў і ўчынкаў чалавечных.

За ўсё жыццё карысці не шукала,

Людзям часцінку сэрца аддавала.

 

Ты не аднойчы ў галерэі ўсіх сустрэла —

Ішлі, з’язджаліся, нібы да Зоські Верас,

Дзе беларуская гучала песня, слова,

Дзе дабрыня і міласэрнасць не прадмова.

 

Трымайся, Ада, нам сяброўка дарагая!

Няхай надзея жыць табе дапамагае.

За Міхася, за Аляксандра жыць павінна,

Сыноў тваіх і нашу ўсю Айчыну!

Ада Эльеўна, дзякуй Богу, ачуняла ад каранавірусу. Але яшчэ знаходзіцца ў Наваполацкай бальніцы. Аднак, нечакана, прыйшла бяда — сёння стала вядома, што ў Германавічах памёр яе старэйшы  сын Аляксандр.

Узнагароджанне Ады Райчонак медалём “100 гадоў Беларускай Народнай Рэспублікі” ў Глыбокім, 23.02.2020 г.
Ада Райчонак ля магілы малодшага заўчасна памерлага сына Міхася Райчонка (1973-1999), мастака, пісьменніка, этнографа. Фота У. Скрабатуна.
У гасцях у Ады! Фота Ул. Скрабатуна.

Дранік Фэст -2016 у Ады.

Фільм «Галерея Ады», які атрымаў адмысловы прыз Еўрапарламента

Дакументальна-публіцыстычны фільм беларускага рэжысёра Ўладзіміра Коласа “Галерэя Ады” атрымаў адмысловы прыз Еўрапарламента — “Прыз Еўропа” — у намінацыі “Дакументальнае кіно” на Берлінскім міжнародным фэсце тэлевізійных і радыёпраграм.
comments powered by HyperComments
Scroll Up