Прыпісалі больш 133 тон прывагі буйнай рагатай скаціны — у Глыбоцкім раёне завяршыўся суд над трыма брыгадзірамі аднаго сельгаспрадпрыемстваў.

Па версіі суда, кожная з абвінавачваных у розныя перыяды 2021 года і па люты 2022 года ўносіла ў справаздачныя дакументы лжывыя звесткі пра прырост жывой масы буйнай рагатай скаціны прадпрыемства ў памеры больш 72 тон, 43 тон і 17 тон адпаведна.

У судовым паседжанні абвінавачваныя сваю віну прызналі і раскаяліся ў зробленым. Іх матывам суд палічыў імкненне пазбегнуць негатыўных наступстваў матэрыяльнага характару з боку кіраўніцтва і жаданне стварыць бачнасць шчаснага становішча спраў на кіраваным аб’екце жывёлагадоўлі.

Усіх трох жанчын прызналі вінаватымі ў службовай падробцы з карыслівай і іншай асабістай зацікаўленасці. На падставе часткі 1 артыкула 427 КК адну з абвінавачваных прысудзілі да паўтары гадам выпраўленчых прац з утрыманнем у прыбытак дзяржавы 15% заробку, іншую — аналагічнае пакаранне на 1 год 2 месяцы з утрыманнем у прыбытак дзяржавы 10% заробку. Трэцяя калгасніца патрапіла пад закон “Пра амністыю ў сувязі з Днём народнага адзінства” і была вызвалена ад крымінальнай адказнасці, паведамляе прэс-служба Віцебскай абласной пракуратуры.

Прысуд у законную сілу не ўступіў, можа быць абскарджаны і апратэставаны ў апеляцыйным парадку.

Ігар Арцюх